Versículo del día

Múú rí xógíꞌ rígi̱ꞌ rí phú gíꞌdoo numuu nde̱yo̱o̱ nákhí ginii, rí xúgi̱ꞌ rá, Krístú eꞌni rí mba̱ya̱xu̱u̱ rí nda̱a̱ꞌ numuu nditháa̱n. Khamí phú ŋakuun má, xógíꞌ ríꞌkhui̱ nda̱ya̱xu̱u̱ rí nda̱a̱ꞌ numuu nditháa̱n, khamí ra̱mbéꞌthá jma̱a rí ma̱ni̱núwiinꞌ i̱tháa̱n Krístú Jesús, tsú naꞌtháñaju̱nꞌ ikhúún. Jma̱a numuu̱ ikhaa̱ ne̱ni̱mbáti̱ga̱ xógíꞌ, khamí na̱ya̱xu̱u̱ xú mbá náska jayuuꞌ, mu rí xúꞌkhui̱ ma̱goo ma̱xtáá jmu̱ꞌ Krístú. A̱ꞌkhui̱ rí ma̱xtáá mbóó jma̱a nindxu̱u̱. Ra̱ꞌkhááꞌ lá numuu rí ikhúún ne̱ni̱mbánuu xú phú naꞌthá xthángoo naꞌni rí nda̱a̱ꞌ aꞌkhúnꞌ, rí i̱ndóó numuu rí phú na̱ni̱mboꞌ kha̱yo̱o̱ Krístú, ríꞌkhui̱ phú naꞌni rí nda̱a̱ꞌ aꞌkhúnꞌ. Numuu rí nda̱a̱ꞌ má aꞌkhánꞌlú eꞌyoo Ana̱ꞌlú Mekhuíí jma̱a numuu rí nuꞌni̱mbaꞌlú khuꞌyáá Krístú.